“Shqiptarët vendimtar në Malin e Zi”, Nimanbegu: Ja çfarë ndodh pas 11 qershorit

Genc Nimanbegu, kryesuesi i listës “Aleanca Shqiptare” në Mal të zi, ishte këtë të martë i ftuar në një lidhje direkte për Euroneës Albania, për të folur rreth zgjedhjeve që pritet të zhvillohen më 11 qershor.

Ai foli gjithashtu për mënyrën se si do ndikojnë këto zgjedhje te shqiptarët e Malit të Zi, ku tre partitë shqiptare garojnë në tre koalicione të ndryshme politike. Nimanbegu tregoi gjithashtu se çfarë pritet të ndodh pas 11 qershorit, pra pas zgjedhjeve parlamentare në Malin e Zi.

“Roli i shqiptarëve mund të jetë vendimtarë apo i pakicave, pasi europa pritet të marrë 2 të 3 e votave për qeverisje, një e treta do të mungojë, këtu pritet të jetë koalicioni i Abazoviç dhe pakicave që pritet të mbledhin 10% të votave në nivelin e Malit të Zi, këtu flas për kroatët, boshnjakët dhe Shqiptarët.

Nëse rezultati do jetë në kuadër të pritshmërive 7 deputetë do dalin nga radhët e pakicave që mund të jenë vendimtarë që të arrihet numri 41,  që është numri për qeverisjen në Mal të Zi. për mua është e nevojshme të kemi numrin e nevojshëm për ndryshimin e ligjeve strategjike, por këtu flasim për numrin e qeverisjes 2/3 në nivelin e kuvendit, gjë që është larg realitetit”,-tha Nimanbegu.

LEXONI GJITHASHTU:

• Vdes në burg ish-agjenti i FBI, spiunoi për Rusinë gjatë kohës së Bashkimit Sovjetik
• Kush ishte tundimi i parë i njeriut?! Flet teologu Miron Çako