A e përgjoi Shqipëria Kosovën? Eksperti i sigurisë: Tërmet në politikën e Prishtinës

Publikimi i një audio-përgjimi të shefes së grupit parlamentar të Lëvizjes Vetëvendosje, Mimoza Kusari Lila ku komunikon me zyrtarin e lartë të listës Serbe Slavko Simi, ka ngjallur debate të shumta.

Eksperti i sigurisë Drizan Shala tha në një intervistë për Euronews Albania se kjo ngjarje ka shkaktuar tërmet në Prishtinën zyrtare, ndërsa qarkullojnë zëra se këto përgjime mund të jenë bërë publike edhe nga persona që kanë qenë pjesë e shërbimeve të caktuara.

Ai përmendi këtu edhe drejtoreshën e SHISH Vlora Hysenin, e cila sipas tij mund të ketë siguruar shumë përgjime gjatë kohës kur ishte në post drejtues të AKI.

“Shërbime të caktuara mund të kenë përgjimet e tyre. Dorë në këto përgjime mund të ketë edhe ish- zëvendës drejtoresha e AKI e cila tashmë është drejtoreshë e SHISH e cila mund të ketë marrë shumë përgjime gjatë kohës që ajo ka shërbyer në kuadër të institucionit të Kosovës për inteligjencë, tashmë këto përgjime mund të mbarten edhe në publik. Çështja kryesore është se tashmë do të kemi një tërmet politik që do të kaplojë Prishtinën zyrtare”,-tha Drizan Shala.

Për të ndjekur kanalin e youtube të Euronews Albania KLIKO KËTU! 

LEXONI GJITHASHTU:

• “Më bëri presion në zyrë”- Dëshmia e punonjëses së administratës kundër Ahmetaj
• Pse korruptohen policët shqiptarë? Gazetarja: Problem janë pagat e ulëta