“Nuk hesht para dështimeve!”- Rexhepi: Ja përse vendosa të krijoj një parti në RMV

Skënder Rexhepi dikur deputet i partisë Alternativa e tashmë deputet i pavarur në Maqedoninë e Veriut, ishte këtë të premte në Euronews Albania, ku ka treguar arsyet e tij se përse u largua nga subjekti politik dhe pse vendosi të vijojë një rrugëtim më vete.

Ai tha se nuk e gjeti veten në asnjë nga subjektet politike, pasi sipas tij, ai “ nuk mund të heshtë para dështimeve”. Rexhepi tha se u gjende para mundësisë për tu larguar fare nga politika ose krijimit të një partie të re.

“Gjatë rrugëtimit të deritanishëm politik, për mua prioritare ka qenë të jem në shërbim të interesave të përgjithshme shoqërore, pavarësisht pozicionit tim politik ose në subjektin politik, Një gjë që nuk mund ta falja është të hesht para dështimeve që bëjnë subjektet politike ku ti aderon.

Edhe nëse ti vazhdon të këshillosh, të drejtosh t’u thuash që janë në rrugën e gabuar, subjektit politik, ata këmbëngulin që të jenë aty, atëherë ishte e domosdoshme të largohem. Në konsultim me përkrahësit politik vendosa të jem në politik, në një rrugëtim të ri politik, të krijonim një subjekt politik në një mënyrë vetjake”,-tha Skënder Rexhepi.

LEXONI GJITHASHTU:

• Dënohet me 17 vite burg për trazirat në Kapitol, Joe Biggs: Më joshën turmat
• Mbi 1.500 km katrorë të djegur, Mitsotakis bën bilancin e dëmeve në Parlament