“Mësuesja ka dështuar” – Prindi mbështet nxënësin që e qëlloi me karrige

Një ngjarje e rëndë ndodhi ditën e djeshme në gjimnazin “Hydajet Lezha” në qytetin e Lezhës, ku një nxënës goditi me karrige mësuesen.

16-vjeçari u arrestua nga policia, ndërsa mësuesja u transportua në spitalin e traumës në Tiranë me fraktura.

Prindi i një fëmije në shkollën ku ndodhi incidenti tha në një intervistë për Euronews Albania se përgjegjëse për atë që ka ndodhur është vetë mësuesja.

Sipas saj, mësuesja ka dështuar në misionin e vet, që nuk është vetëm mësimdhënia, por edhe që t’u qëndrojë pranë nxënësve dhe të kuptojë problemet e tyre.

“Unë si drejtuese e fëmijëve jetimë mendoj se gabimi i parë është te mësuesi. Ti je mësues, por je edhe prind, je psikolog, ta afrosh, ta përkrahësh, ta pyesësh çfarë problemi ka dhe kurrë mos t’i përmendësh prindin e vdekur. Ti s’ke të drejtë t’i përmendësh prindin e gjallë, e jo më prindin që ka vdekur. Jam shumë e prekur nga kjo gjë se kam rritur fëmijë jetimë vetë. Fëmijët këtu dhunohen, kjo nuk është hera e parë, më ka ndodhur edhe mua. Po të kishte pasur psikologë, nëse një fëmijë jetimë është i stresuar, mblidh bordin i shkollës”, tha ajo.

LEXONI GJITHASHTU:

• U godit me karrige nga nxënësi, dërgohet te Trauma mësuesja nga Lezha
• Nxënësi godet me karrige mësuesen në Lezhë