“Ne merremi me çdo të plagosur në Izrael, pa dallime fetare”-punonjësi i ambulancës

Punonjësi i ambulancës, Rabbi Yehuda Levi ka dalë vullnetar për t’u shërbyer banorëve të plagosur rreth Rripit të Gazës.

Ai ishte mëngjesin e kësaj të hëne në një intervistë për “Good Morning Alanians”, në Euronews Albania për të treguar më shumë rreth situatës atje. Ai tha se ai dhe grupi i vullnetarëve merren me çdo viktimë të plagosur në Izrael, pa asnjë dallim fetar mes tyre.

“Puna ime nisi në 7 tetor, që nga sulmi i Hamasit. Njerëzit janë në kushte të tmerrshme. Kemi parë një lloj barabarie e masakër ndaj popullit. Ne i kemi dhënë ndihëm e parë, i kemi marrë të plagosurit e i kemi çuar në spital për të marrë ndihmën e nevojshme.

Ne jemi marrë me çdo lloj viktime, hebre, mysliman, të krishterë, pa asnjë lloj dallimi fetar, ky ka qenë edhe misioni jonë, për të ndihmuar të gjithë të lënduarit që patën një situatë mjaft tragjike nga grupi i Hamasit”,-tha ai.

LEXONI GJITHASHTU:

• SHBA: Izraeli ka përgjegjësi për jetën e banorëve të pafajshëm në Gazë
• Libri i Spears “Gruaja në Mua”/ Rrëfimi i zemëruar i yllit të muzikës thyen rekorde