Demko: Ka njerëz që janë paralizuar jo nga aksidenti po nga ndihma e parë e gabuar

Instruktori i Ndihmës së Parë, Tahir Demko, i ftuar në emisionin “Good Morning Albanians” në Euronews Albania, theksoi se kanë pasur raste aksidentesh ku personat kanë mbetur të paralizuar për shkak se ndihma e parë është dhënë gabim.

Mes tjerash ai theksoi se mjekimi në shtëpi nuk është i këshillueshëm pasi kjo gjë është vetëm atribut i mjekut.

Demko gjithashtu nënvizoi se në raste aksidentesh është e ndaluar dhënia e ujit.

“Kemi pasur raste të aksidenteve , ku shumë persona kanë mbetur të paralizuar, jo nga aksidentet por nga veprimi i gabuar i ndihmës së parë.  Nëse ka çarje apo prerje, ne këshillojmë që në shtëpi të mos përdoret mjekime, as jod, pasi mund të jetë alergjik.  Dhënia e mjekimit është atribut vetëm i mjekut. Nëse ka bërë aksident apo është rrëzuar nga lartësia, ne nuk duhet t’i japim ujë të pi, ai mund të ketë nevojë që të futet direkt në sallë dhe dhënia e ujit e vonon”-tha ai.

LEXONI GJITHASHTU: 

• Demko: Kollituni dhe mos pini ujë në rastet e mbytjes me ushqim
• Konspiracionisti Sllamniku: Dinari është joligjore si valutë në Kosovë