“Më 4 mars hapet baza e Kuçovës”- Peleshi njofton blerjen e sistemit anti-dron

Ministrat e Mbrojtjes janë mbledhur ditën e sotme në Bruksel, ku i pranishëm është dhe ministri i vendit tonë, Niko Peleshi. Ky i fundit në një intervistë për Euronews Albania, tregoi se cilat çështje do të trajtohen në këtë mbledhje.

Ai theksoi se më 4 mars do të hapet baza ajrore në Kuçovë , ndërsa shtoi se Shqipëria është kontribuese e NATO-s përmes misioneve të saj.

Mes tjerash ai theksoi se Shqipëria po investon në mbrojtjen kombëtare, për blerjen e sistemeve të ndërlikuara ndërsa kanë në prioritet sistemin anti-dron.

“Baza ajrore e Kuçovës do të hapet me 4 mars, dhe portin e Porto Romanos duam ta fusim në këto plane. Të gjitha këto janë reagime mbrojtëse por duke shkurajuar çdo ëndërr apo ambicie të Rusisë që kërcënojnë botën e lirë dhe demokratike. Shqipëria është kountribuese përmes misioneve të saj. Jemi në 8 misione. Ne po investojmë për mbrojtjen tonë kombëtare, për blerjen sistemet e ndërlikuara, kemi vendosur në prioritet sistemin anti-dron. Do të mbrojë infrastrukturën ushtarake dhe civile. Mbrojta kundër-ajrore është një sfidë për ne që jemi aleatë në NATO por që jemi pjesë  e kontributit në paqen globale dhe në të gjithë operacionet e NATO-s”-tha ai.

Për i përket portit të Porto Romanos, Peleshi theksoi: Po lobojmë që porti i Porto-Romanos, të ndërtohet me modelin e biznesit të bazës ajrore të Kuçovës.

Kemi lobuar në të gjithë nivelet edhe të aleatëve më të fuqishëm në NATO. Pas datës 4 mars do të mbërrijë dhe flota e dronëve Bajraktar.

LEXONI GJITHASHTU:

• Senati italian i jep miratimin përfundimtar marrëveshjes për emigrantët me Shqipërinë
• NATO/ Ministrat e Mbrojtjes mblidhen në Bruksel, Peleshi tregon detajet për Euronews