Hoxhaj: Macron nuk e do zgjerimin e BE në Ballkanin Perëndimor, ja ‘shpikja’ që bëri

Ish-ministri i Jashtëm i Kosovës, Enver Hoxhaj, është shprehur se presidenti francez, Emmanuel Macron, nuk e do zgjerimin e BE-së në Ballkanin Perëndimor.

Komentet Hoxhaj i bëri në nje lidhje për Euronews Albania, ku tha se Macron për t’i thënë ‘jo’ zgjerimit, shpiku Komitetin Politik Europian.

Ai tha gjithashtu se nëse Perëndimi do të donte të ndalte politikën hegjemoniste të Serbisë, mund të anëtarësonte Kosovën në NATO.

“Kam pritur që agresioni rus do të rriste një vetëdije të re politike në Europë në raport me Ballkanin, por vitin e fundit takimi i KE ku nuk u mor ndonjë vendim i rëndësishëm në raport me politikën e zgjerimit, apo përpjekja e presidentit francez për të shpikur komunitetin politik europian, që është një mënyrë tjetër për t’i thënë jo zgjerimit në Ballkanin Perëndimor.

BE nuk e përdor zgjerimin si instrument dhe Perëndimi nuk ka instrument si të ushtrojë presion mbi Serbinë. Por nëse dera e BE do të ishte e hapur, atëherë ndikimi i Perëndimit do të ishte krejt tjetër.

Ne jemi në një situatë të statusquosë brenda BE por edhe në Ballkan, prandaj edhe kjo qasje e Ramës me Samitit është një politikë për ta thyerë këtë statusquo. Anëtarësimi i Kosovës në NATO do të ishte një ndërprerje e prirjeve hegjemoniste të Serbisë në raport me Kosovën”, tha Hoxhaj.

LEXONI GJITHASHTU:

• A do të dërgohen trupat e NATO-s në Ukrainë? Stoltenberg del kundër idesë së Macron
• Aleatët braktisin Macron, SHBA-Britani-BE: Jo trupa të NATO në Ukrainë