Ndeshja që përcakton fatin e Premier League, Arsenali “në dorën” e Tottenham

Premier League ka qenë spektakolare nga fillimi e deri tani ku është thuajse drejt fundit, teksa aktualisht nuk është vendosur ende se cila skuadër do të shpallet kampione.

Arsenali dhe Manchester City janë dy ekipet e vetme që mund ta arrijnë diçka të tillë, por natyrisht vetëm njëra mund të kurorëzohet kampione. Topçinjtë kanë 1 ndeshje në dispozicion, ndërsa the cityzens 2, njëra është ajo e mbrëmjes që luhet ndaj Tottenham. Trajneri Postecoglu kërkon me patjetër fitoren, por ajo çka është e çuditshme, janë tifozët të cilët kërkojnë që Tottenham ta humbasë ndeshjen.

Kjo për faktin se ata nuk duan që rivalët e përjetshëm të Arsenalit të ngrenë lart trofeun e kampionit. Për këtë reagoi dhe vetë tekniku që doli kundra dëshirës së tyre, duke pohuar se skuadra do kërkojë me patjetër 3 pikët. Shpresat e Arenalit janë pikërisht tek Tottenham, pasi në rast se ata frenojnë Manchester Cityn, topçinjtë janë thuajse kampionë, pasi u duhet të mposhtin Evertonin.

Me pikë të barabarta, goonersat ngrenë lart trofeun në fund të sezonit, por mbetet për t’u parë çfarë do të sjellë ndeshja e mbrëmjes ndaj Tottenham.

LEXONI GJITHASHTU:

• Interi shpallet kampion i Italisë, gdhend yllin e dytë në fanellë
• Pas 7-vitesh në Paris, Mbappe konfirmon largimin nga PSG