A është SPAK opozita e vetme në Shqipëri? Ja si përgjigjet Këlliçi?

Pedagogu Klejd Këlliçi komentoi në një intervistë për Euronews Albania gjetjet e “Barometrit”, që e tregonin SPAK si institucioni me besueshmëri më të lartë publike pas SHBA dhe BE.

Sipas tij, besimi i madh i shqiptarëve tek SHBA dhe BE lidhet me faktin se në Shqipëri, nga ‘97 ndërmjetësimi i faktorit ndërkombëtar ka qenë shumë i rëndësishëm në zgjidhjen e krizave.

Sa i përket besimit në SPAK, Këlliçi u shpreh se “nuk mund t’i kërkosh një institucioni të drejtësisë të veprojë me program politik”.

“Në Shqipëri nga ‘97 ndërmjetësimi i faktorit ndërkombëtar ka qenë shumë i rëndësishëm, Kriza e ‘97 u zgjidh nga OSBE dhe SHBA. Perspektiva e Shqipërisë nga viti ‘90 është për t’ju dorëzuar BE, një aktori të jashtëm ndaj kjo periudhë shihet si një periudhë tranzitore për të mbërritur në BE duke e parë këtë si zgjidhje të problemeve tona. Sa i përket SPAK, problemi është që do përballemi në të ardhmen me çështje që mund të tregojnë një farë zgjidhje por që më pas mund të tregojnë edhe problemet  e veta. Nuk mund t’i kërkosh një institucioni të drejtësisë të veprojnë me program politik”, tha Këlliçi.

LEXONI GJITHASHTU:

• Berisha citon Barometrin: Demokratët mençuri olimpike, vetëm 8% besojnë te SPAK
• Vlerësimi i punës së SPAK/ Baçi: Pse nuk e heton shembjen e Teatrit Kombëtar