Ballauri: Atij që vjedh i pritet dora, nuk mund të zbatohet më ligji i Sheriatit

Aktivistja Elsa Ballauri tha në një intervistë për “Goodmorning Albanians” në Euronews Albania se në kohët moderne nuk mund të zbatohet më ligji i Sheriatit, duke komentuar kështu dhe situatën aktuale në Afganistan.

Sipas saj nëse në ligjin e Sheriatit thuhej se atij që vjedh i duhet prerë dora, një praktikë e tillë nuk mund të zbatohet sot, sepse duhet parë dhe konteksti historik i krijimit të atij ligji 700 vite më parë, që sigurisht s’mund të përdoret pas evoluimit të kohës.

“Njerëzit dalloheshin nga feja, mysliman apo i krishterë. Nuk thoshte njeri kaq shumë bullgarë, shqiptarë, grek etj. Identiteti fetar edhe te ne ka ngelur akoma shumë i fuqishëm, jo më pastaj në vende të cilat nuk kanë as Kushtetutë, por kanë Kuran. Nuk mund të thuash tani që ligji i Sheritatit duhet zbatuar në kohët moderne, ndërkohë që është bërë 700 vjet përpara dhe në një kohë që ishte e domosdoshme të bëhej sepse ne nuk shohim kontekstin historik. Nuk mund t’i presësh dorën atij që vjedh siç thotë Sheriati, nuk mundet gruaja të mbyllet komplet sepse kohët kanë evoluar,” – u shpreh Ballauri.

Talebanët kanë urdhëruar mbylljen e salloneve të bukurisë në Afganistan, ka thënë një zëdhënës i qeverisë. Kjo vjen pasi talebanët ndaluan gratë nga arsimi universitar, hapësirat publike dhe shumica e formave të punësimit.

LEXONI GJITHASHTU:

• Ylli Gurra: Plagë e madhe në Afganistan, talebanët keqpërdorin Kuranin
• Talebanët urdhërojnë mbylljen e salloneve të bukurisë në të gjithë Afganistanin