Berisha: Rama do të ringjallë Bashën me vulën

Sali Berisha ka dalë në një deklaratë për mediat pasi ditën e djeshme Gjykata e Apelit ia la vulën Enkelejd Alibeajt.

Në një mbledhje me deputetët e PD-së, Berisha theksoi se Ramën e ka kapur tmerri, ndërsa shtoi se kreu i qeverisë me vulën e cila iu kalua Enkelejd Alibeajt nga Apeli kërkon që të ringjallë Bashën.

Më tej ai ka hedhur akuza dhe ndaj ambasadore Yuri Kim që sipas tij ka ndërhyrë në vendimin e Gjykatës.

“E thirrëm këtë mbledhje për të diskutuar lidhur me vendimin e fundit të Edi Ramës për të bllokuar regjistrimin e PD-së në zgjedhje dhe të marrë për vete vulën e kësaj partie.
Ky moment është dëshmia flagrante e tmerrit dhe ferrit që ka kapur Edi Ramën, mafien shqiptare të tij, por e vërteta është edhe segmente të mafies ndërkombëtare.
Ata e shohin se demokratët janë të pamposhtur. Ata u përpoqën t’i japin PD-së goditje fatale, duke i mbajtur një kufomë politike, një peng politik në krye të saj, që e akuzonin publikisht dhe ligjërisht si një kukull të financuar nga rusët, dhe sipas tyre, sipas Edi Ramës, por e vërteta sipas guvernatores Yuri Kim, ky ishte i përshtatshëm për të drejtuar forcën kryesore opozitare.

Ky është paradoksi më i madh, jo për Edi Ramën. Ai ka origjinë xhelatësh ndaj pluralizmit politik. Është në genin e tij. Përfaqësuesja e vendit të madh të lirisë, të përpiqet me të gjitha mënyrat, më flagrante të ligjeve dhe Kushtetutës, që opozita shqiptare të drejtohet nga një njeri i financuar nga rusët, nuk ka paradoks më të madh se ky.

Por këta skenarë që filluan me McGonigal dhe Xhorxh Soros, me një qëllim të vetëm, çelnikosjen e pushtetit të Edi Ramës, vazhduan me procese, në të cilat Lulzim Basha u fut në thes, dhe tani Edi Rama mendon se pasi dështoi me Bravën, do e ringjallë Bashën me Vulën. Në procesin gjyqësor të shpalljes palë të atij që nuk është palë, një rol të dorës së parë ka luajtur Yuri Kim, që ka ndërhyrë të gjykatësja me Erion Veliajn. Këto janë të faktuara.”- tha Berisha.

LEXONI GJITHASHTU: 

• Berisha: Nuk korruptohen SHBA, por McGonigali dhe guvernatorja
• “Nuk jam penduar”, dëshmia e Dan Hutra para Gjykatës: Pse e vrava Etleva Kurtin