Genc Burimi: Mesazhi që mund të motivojë qytetarët për të votuar më 14 maj

Analisti Genc Burimi thotë se qytetarëve shqiptarë, i duhet dhënë mesazhi se nëse opozita fiton shumicën e bashkive më 14 maj, atëherë vendi duhet të shkojë në zgjedhje të parakohshme.

Në një intervistë për Euronews Albania, Burimi u shpreh se nëpërmjet këtij mesazhi, njerëzit mund të motivohen për të shkruar drejt kutive të votimit.

“Në Shqipëri, ka degjeneruar situata aq shumë sa duhet një ndryshim i madh. Edhe ajo që pamë sot me fillimet e punimeve të teatrit, ishte një zgjatje e këtij degjenerimi. Besoj se elektoratit duhet t’i thuhet në mënyrë të ndershme, se më 14 maj, nuk bëhet fjalë vetëm të ndryshohet një pushtet lokal, se askush sot në Shqipëri nuk beson, se ky Ramë që nuk pyet për opozitë, që nuk pyet për Kushtetutë, do pyesë për ca kryetarë bashkie pro PD-së.

Duhet që mesazhi të jetë i qartë, që nëse opozita fiton zgjedhjet lokale, qoftë edhe 51% me 49%, vendi duhet të shkojë në zgjedhje të parakohshme. Ky është mesazhi për mendimin tim, që i duhet dhënë opinionit, për t’i motivuar njerëzit për të shkuar në zgjedhje dhe të votojnë pastaj për opozitën”, theksoi ai.

LEXONI GJITHASHTU

• ‘Primaret në PD nuk sollën asgjë’, gazetari: Fituesit, kryetarë dhe sekretarë degësh

• ‘Gati për t’u ndeshur me PS-në’, Shehu: Shpresojmë rezultatin më të mirë më 14 maj
• Berisha: Yuri Kim keqinformoi DASH-in, Dvorani është një xhelat