“Fotografoja vajzat bio të kohës”, Tasho: Del sot në rrugë dhe 7 vajza janë njësoj 

Fotoreporteri i njohur Roland Tasho ka çelur një ekspozitë shumë të veçantë. Ekspozitën ia dedikon vajzave që ikën në vitet ’90 për një jetë më të mirë. Ato ishin “ajka” e rinisë së Tiranës së viteve ’80.

Rolandi i ka fotografuar sepse atëherë ia kërkonte puna ne revistën “Ylli” por po ashtu ka bërë edhe disa fotografi miqësore. Disa nga këto vajza ai i ka ritakuar në Francë, Itali, Amerikë, Zvicër, Greqi, Hungari…

Në një intervistë për emisionin GoodMorning Albanians në Euronews Albania Tasho tha se në atë kohë bukuria ishte unike te secila vajzë, ndërsa sot ndërhyrjet e shumta estetike kanë bërë që shumë vajza të duken njësoj

“Bukura është po ajo, vetëm në këtë aspekt nuk jam shumë dakord, në atë kohë ishte pjesa bio, në këtë kohë kanë filluar ta ndryshojnë shumë portretin, këto ndërhyrjet bëjnë që të duken si kopja e njëra-tjetrës, fillojnë bëjnë hundën, vetullat, dikur bukuria ishte unike, sot po të dalësh sheh 7-8 vajza me të njëjtën hundë të njëjtat vetulla, atëherë bukurinë ta jepte edhe veçantia. Kam fotografuar shumë edhe miset, mund të themi se më e bukur te vajzat është shpirti i bukur se pamja e bukur, kemi parë vajza të bukura me një zhargon apo të folur që nuk e bën shumë të bukur një vajzë”, tha fotografi.

LEXONI GJITHASHTU:

• Kapi fotografinë ikonike të Tokës, ndahet nga jeta austronauti amerikan
• Fotografi: Të gjitha vajzat duan operacione, por nuk kanë lekë