Gazetari kundër parashikimeve, Baku: Shorti më i mirë i mundshëm, Shqipëria do…

Në Hamburg të Gjermanisë u hodh dje shorti i fazës së grupeve për Kampionatin Europian “Euro 2024”.

Shqipëria do të ketë në grup Spanjën, Kroacinë dhe Italinë, skuadra vërtetë të fuqishme dhe me emër të madh në kompeticionet ndërkombëtare, çka do të bëjë që edhe përballjet të jenë të vështira.

Gazetari sportiv Ervin Baku tha në një intervistë për Euronews Albania se shorti për Shqipërinë është më i miri i mundshmi. Sipas tij kuqezinjtë do bëjë surprizën përballë të mëdhenjve në Gjermani.

“Është shorti më i mirë i mundshëm që mund të kishte Shqipëria. S’e di kush do të digjet në atë grup, ne jemi këtu për të bërë historinë, ata e kanë bërë të tyre, ne kemi përpara nja 8 vite shumë të mira. I qëndroj deklaratës sime që Shqipëria do fitojë Kampionatin Evropian. Çuditërisht si në 2004 kur Greqia fitoi Evropianin kemi Spanjën në grup, që nuk e kaloi grupi. Është shorti më i bukur që mund të kishim”, tha Baku.

LEXONI GJITHASHTU:

• Shqipëria në grupin më të vështirë, shorti i plotë i Euro 2024. Të gjitha përballjet
• Hidhet shorti i Euro 2024, Shqipëria në grupin e “ferrit”, me Spanjën dhe Italinë