Inxhinieri biomjekësor: Brenda 5 viteve do lindë fëmija i parë nga mitra artificiale

Emand Mertenika, inxhinieri biomjekësor, tha për “Good Morning Albanians” se brenda 5 viteve do bëhet e mundur që një fëmijë të krijohet jashtë trupit të nënës.

Ai tha se implementimi i mitrës artificiale me kushtet e favorshme biologjike mund të fillojë shumë shpejt duke pasur parasysh se sa shumë ka ecur teknologjia dhe brenda 5 viteve, sipas tij ne do flasim për fëmijën e parë të lindur nga mitra artificiale.

“Implementimi i mitrës artificiale mund të fillojë shumë shpejtë. Tashmë po fillon instalimi i çipit në tru, ndërsa implementimi i mitrës artificiale është më i thjeshtë. Unë mendoj se brenda 5 viteve kjo mund të realizohet.

Përderisa është hedhur në eksperiment dhe ka filluar të procedohet, mendoj se brenda 5 viteve do bëhet. Shumë shpejtë do marrim vesh për fëmijën e parë që do lindi nga një mitër artificiale”,-tha Ermand Mertenika për Euronews Albania.

LEXONI GJITHASHTU:

• Tymi i zjarreve pyjore të Kanadasë rrezikon shëndetin e miliona njerëzve
• Gazetari Ferhati: SPAK ka dosje të hapura dhe për opozitën, u pyet djali i Berishës