Ministrja e Bujqësisë dhe Zhvillimit Rural, Frida Krica ka folur në lidhje me zgjedhjen e saj, si presidente e CIHEAM (Instituti Agronomik i Studimeve të Larta të Mesdheut).

Në një intervistë për Euronews Albania, Krifca u shpreh se u përzgjodh nga bordi, pasi bëri aplikimin dhe shfaqi programin e saj.

Krifca e nënvizoi se tanimë Shqipëria merr një rol të ri dhe do të ketë më shumë potencial për thithjen e fondeeve evropiane për bujqësinë.

“Shqipëria, prej gati 30 vjetësh, është anëtare e CIHEAM, që është Instituti Agronomik i Studimeve të Larta të Mesdheut. Është një organizëm ndërveprues, bashkëpunues mes vendeve të Mesdheut. Në fakt, nuk kemi pasur asnjëherë rol menaxhues në këtë organizëm, edhe pse jemi anëtarë. CIHEAM e ka zyrën qendrore në Paris dhe ndërkohë ka 4 institute zhvillimore që merren me çështje të ndryshme të bujqësisë në Itali, Spanjë, Greqi dhe Francë. Nëpërmjet këtyre instituteve, ata organizojnë, hulumtojnë, bëjnë inovacion, një pjesë të studentëve diplomohen atje. Presidencva ime erdhi si një kandidaturë, u përzgjodha nga bordi, shfaqa një program, çova aplikimin tim, ndoqa një procedurë.

Unë do ta filloj këtë detyrë në prill të vitit që vjen, atëherë është mandati, zgjedhjet u bënë tani. Natyrisht, Shqipëria merr një rol të posaçëm mes vendeve të Mesdheut, jemi në një mandat dysh, ku Sekretari i Përgjithshëm është nga Italia. Unë jam presidente, duke i dhënë padyshim shumë më tepër potencial Shqipërisë për të përfituar nga programet e zhvillimit që ku organizëm ka, duke mundësuar më shumë aksesim në fondet evropiane nëpërmjet instituteve të CIHEAM-it, të cilat mund të dirigjohen më tej edhe në përfitim të Shqipërisë. Potencialet janë të pafundme, është një institut fantastik”, theksoi ajo.

LEXONI GJITHASHTU

• Frida Krifca zbulon kush mund të përfitojë nga programi IPARD III
• Përplasjet me Erion Braçen? Flet për herë të parë ministrja Frida Krifca
• “Rritje eksportesh”, Krifca: Është zgjeruar sipërfaqja e prodhimit në sera