Julian Gjoshi nga Shijaku, dyshohet të jetë autori i vrasjes së Alfred Dedjas pasditen e kësaj të diele. Burime bëjnë me dije se viktima është qëlluar të paktën me 2 plumba.
Nga informacionet paraprake pasi vrau Alfred Dedjan, dyshohet se Gjoshi është larguar nga vendi i ngjarjes me një automjet tip ML ngjyrë e zezë.
Burimet bëjnë me dije se autori i kësaj ngjarje, Julian Gjoshi rezulton të jetë kunati i Altin Hajrit.
Ky i fundit është një prej personave të shpallur në kërkim në dosjen hetimore që çoi në qeli ish-deputetin e PS-së Jurgis Cyrbja, i akuzuar për tre vepra penale.
Hajri akuzohet dhe për rrëmbimin dhe zhdukjen e Jan Prengës, ngjarje e ndodhur në Janar të vitit 2020. Gjykimi i tij pritet të bëhet në mungesë pasi deri më tani ai nuk është mundur të gjendet nga autoritetet.
Nga ana tjetër, Julian Gjoshi më datë 19 Janar 2021, rezulton i arrestuar nga efektivët e Shqiponjave për armëmbajtje pa leje, pasi lëvizte i armatosur në kryeqytet.
Ndërkaq, trupi i pajetë i viktimës vijon ende në ambjentet e lokalit, teksa pritet të dërgohet në IML për ekspertizën mjeko-ligjore.
LEXONI GJITHASHTU
- Vrasja në Lokalin në Ndroq, reagon policia e Tiranës! Kush është autori i dyshuar?
- VIDEO| Momenti i vrasjes së biznesmenit Eduart Reçi në Tiranë
