“Mbi 6 mijë € më kushton nga Shkupi në Mekë me biçikletë”-sportisti 57-vjeçar

57-vjeçari Qamuran Hirda së bashku me mikun e tij Adem Ajiç, nga Maqedonia e Veriut, kanë nisur ditën e djeshme udhëtimin e tij të pazakontë me biçikletë nga Shkupi, deri në Mekë për në Haxh.

I ftuar në një lidhje direkte për “Good Morning Albanians”, ai tregoi se sa mund të kushtonte një udhëtim i tillë, i cili parashikohet të zgjasë 2 muaj.

“Ky udhëtim kushton. Siç e dimë kushton edhe me aeroplan kur shkon. Unë nuk mund të them saktësisht se sa do kushtojë. Mund të llogarisni, sa kushtojnë pijet, fjetja në hotel apo në motel, dy ushqime në ditë, ndonjë kafe, ndonjë çaj.

Unë e kam përgatitur që fjetjen ta kem me kombinim, herë në hotel e herë në tendë. Koston nuk mund ta them saktë se sa mund të shkojë, por shkon të paktën 6 mijë euro”-tha Hirda.

LEXONI GJITHASHTU:

• Mediu: Do kërkojmë formimin e koalicioneve para zgjedhore
• “Do udhëtoj 2 muaj me biçikletë drejt Mekës”, sportisti: Vetëm në Siri do marr avion