Miqësorja e radhës për kuqezinjtë, Shqipëria do të përballet me Jordaninë

Shqipëria ka shtuar një tjetër përballje në agjendën e saj të muajit tetor, ku stafi, në bashkëpunim me federatën, ka vendosur për zhvillimin e një miqësoreje me Jordaninë. Data për luajtjen e kësaj ndeshje, pas miratimit të marrë nga FIFA, është ajo e 14 tetorit, ora 19:00 në Tiranë, ndërsa vjen kështu 3 ditë pas duelit vendimtar ndaj Serbisë në kualifikueset e Kupës së Botës.

Ky do të jetë ballafaqimi i dytë mes këtyre dy përfaqësueseve, pasi më herët kanë luajtur edhe një miqësore me njëra-tjetrën në Elbasan Arena në vitin 2018, e cila u mbyll me rrjeta të paprekura. Kujtojmë që, ndryshe nga Gjibraltari, Jordania ka pozita më të qëndrueshme në renditjen botërore të FIFA-s, konkretisht është në vendin e 64.

Kuqezinjtë qëndrojnë 4 hapa pas, në vendin e 68-të. Ky duel është caktuar për faktin se, ashtu si një pjesë e grupeve, edhe ai ku Shqipëria bën pjesë përbëhet nga 5 skuadra, duke bërë që të luhen edhe duele miqësore. Kombëtarja aziatike vjen në një formë mjaft të mirë, pasi në dy sfidat e fundit, të cilat po ashtu i ka miqësore, njërën e ka fituar dhe në tjetrën ka barazuar ndaj një kundërshtari si Rusia.

LEXONI GJITHASHTU:

• Tre pikët e para për Gjermaninë, Spanjë me “6 yje” përballë Turqisë
• Një tjetër ndryshim në listën e Shqipërisë, largohet portieri i kuqezinjve
• Ndryshon lista e kombëtares: Mbrojtësi shqiptar braktis kuqezinjtë, zgjedh Zvicrën