Myslim Murrizi: Çmimi që mori Dumani nga SHBA është qesharak!

Ish-deputeti Myslim Murrizi ishte i ftuar këtë të hënë në Euronews Albania. Ai u ndal më së shumti në çmimin për të cilin DASH dha ndaj Altin Dumanit për shpalljen e kreut të SPAK, si 1 nga 10 kampionët në luftën kundër korrupsionit në botë.

“Dumani ka kërkuar të jetë në SPAK 18 vjet, nuk është pak koha 9 vjeçare për të luftuar korrupsionin, aq sa e ka gjykata e Lartë dhe Kushtetuese. Dumani ka 2 vjet në krye të SPAK-ut si shef por në 20 prokurorë që janë në SPAK, unë nuk ndaj të njëjtën konsideratë për të gjithë.

Sa i përket çmimit që mori Dumani është qesharak. Qesharak është dhe fakti se kush e ka dhënë këtë çmim pra, sekretari i shteti Antony Blinken”, tha Murrizi.

Ndër të tjera, ai bën një krahasim të dhënies së çmimit ndaj Dumanit me fillesat e Berishës si një kryeministër.

“Kjo më kujton siç ishte Berisha kryeministër nga korriku i 2013 deri në shtator kur do vinte Edi Rama. Ngopen me dekorata ndërkohë që ka tre lufta në këmbë përveç Sirisë. Dumani nëse sillet për të njëjtin fenomen jo me dy standarte, do ta ketë dekoratën këtu, te shqiptarët dhe jo nga Blinken”, përfundon Myslim Murrizi.

LEXONI GJITHASHTU:

• Nga 1 janari Dumani merr edhe kompetencat e Komisionerit Publik, qeveria i jep zyrat
• Dumani takime me drejtues të lartë të drejtësisë në SHBA