Nga Filipinet në Shijak, historia e emigrantit me dy gra: Punoj në një mobileri
Të huajt që punojnë në Shqipëri janë të shumtë ndërsa secili mbart me vete një histori personale.
Gazetarja Ortensa Budlla sjell një rrëfim të veçantë të një qytetari filipinas, me dy gra dhe shumë përgjegjësi mbi supe.
Prej nëntë muajsh, Edmar Baldivina punon në një mobileri në Shijak. Ka lënë pas jetën në Filipine për një pagë më të mirë dhe një të ardhme më të sigurt në Shqipëri.
Edmar Baldivina, punonjës nga Filipinet:
“Tani po merrem me lëmimin e drurit për kornizat. Më pas i lyejmë dhe i limojmë përsëri. Për pagesën, është dyfish nëse e krahason me Filipinet. Aty fiton 300–350 euro, pa përfshirë siguracionet e taksat. Këtu marr 400 euro neto.”
Por historia e Edit nuk ndalet vetëm te puna. Gjatë bisedës, një detaj i papritur na çuditi.
– Pra, ti je këtu vetëm me gruan tënde. A punon ajo këtu?
– Jo, është në Filipine…
– A ke familjen këtu?
– Kam një grua edhe në Shqipëri.
– Ke dy gra? E dinë për njëra-tjetrën?
– Po, e dinë. Është myslimane…
Pra, Edmar konfirmon se ka dy gra: një në Filipine dhe një në Shqipëri. Sipas tij, kjo është e lejuar nga besimi i tij.
“Nuk kam fëmijë me gruan këtu. Fëmijët i kam me gruan në Filipine. Është e vështirë. Të ardhurat nuk mjaftojnë. Por gruaja e dytë punon këtu në Shqipëri, dhe më lehtëson pak.”
Përveç punës fizike, Edmar nuk ka braktisur pasionin e tij për editimin e videove. Në kohën e lirë punon online dhe shpreson që ta kthejë këtë në profesionin e tij kryesor.
“Tani për tani, do qëndroj në Shqipëri. Do përpiqem të gjej punë në profesionin tim. Deri tani, punoj part-time duke edituar video.”
Nga Filipinet në Shijak, historia e Edit është më shumë se thjesht një histori emigracioni. Është historia e një burri që punon për të ndërtuar dy jetë, mes sakrificës, dashurisë dhe shpresës.
Zdrukthtari nga Filipinet që punon në Shijak, i martuar me dy gra: Njërën e kam andej, tjetrën në Shqipëri pic.twitter.com/69YtuxcVn6
— Euronews Albania (@EuronewsAlbania) June 23, 2025
LEXONI GJITHASHTU:
Kryefaqja
Tentoi të vidhte me thyerje një market në Krujë, shoqërohet në polici 14-vjeçari
Britania dënon deklaratat e ministres serbe për Kosovën: Të neveritshme dhe pa vend në shoqërinë e sotme
Rama dhe Lamallari në Qendrën e Komandës dhe Kontrollit të “Smart City”: Detekton rreziqet në kohë reale
- 18:35 Tymi i zjarreve në Kanada mbulon disa vende në SHBA
- 18:15 “Malvinas janë argjentinas”, Britania thirrje FIFA-s të hetojë Argjentinën për banderolën që shfaqën lojtarët
- 18:00 U vonuan për shkak të luftës me Iranin, Estonia: Armët amerikane do të mbërrijnë në muajt e ardhshëm
- 17:59 Arrestohen në flagrancë dy efektivë të Komisariatit Nr. 3 në Tiranë, dyshohen për korrupsion dhe shpërdorim detyre
- 17:45 Deklarata e ministres serbe, Rama: Nuk bëhemi kor histerik sa herë del një çyryk në Beograd e flet përçart
- 17:38 Rubio: SHBA do të përqendrojë përpjekjet e saj kundër terrorizmit të ekstremit të majtë