Psikologia klinike: 80% e nënave përjetojnë simptomat e “baby blue” pas lindjes

Psikologia klinike, Elona Hasko thotë se 80% e nënave përjetojnë simptomat e “baby blue” pas lindjes, që do të thotë trishtim.

Në emisionin “Good Morning Albanians” në Euronews Albania, Hasko u shpreh se pas lindjes, ndryshimi hormonal është shumë i madh, , pasi trupi përpiqet që të kthehet në balancën e mëparshme hormonale.

“Me kaq sa duket dhe me kaq sa kemi informacion, nëse do të kujtohemi për histori të ndryshme të ndodhura më parë, sepse kjo nuk është hera e parë që ndodh një infanticit, kur nëna i merr jetën fëmijës brenda vitit të parë të jetës, arsyet mund të jenë të ndryshme. Në studimet e mia dhe në praktikën time, jam hasur me depresionin postpartum dhe psikozën postpartum, gjë që mund të jetë një nga arsyet.

Nënat, përgjithësisht në javën e parë kanë depresion pas lindjes, ose ” baby blue”, që edhe nga vetë fjala është një trishtim. Është ndryshimi hormonal shumë i madh, pasi trupi përpiqet që të kthehet në balancën e mëparshme hormonale. “Baby blue” kap pothuajse 80% të nënave në ditët e para të lindjes, është një proces që kalon normalisht, mund të ketë depresion pas lindjes që prek rreth 20-50% të nënave”, theksoi ajo.

LEXONI GJITHASHTU

• Nëna hodhi foshnjën në lum, Malaj: Ngjarja tronditi themelet e familjes shqiptare
• Hodhi foshnjën në lumin Kir, 32-vjeçarja e pa martuar. Zbulohet me kë jetonte
• Dëshmia e 32-vjeçares që hodhi në lumë foshnjën e saj: Nuk e mbaja dot