Gazetari nga Rusia, Misha Pumo, ishte i ftuar në emisionin “Balkan Talks” në Euronews Albania. Ai ka folur lidhur me diskutimet që po sillen rreth ndalimit të luftës në Ukrainë dhe qëndrimit të SHBA-së në këtë mes.
Ai shprehet i mendimit se gjatë bisedimeve të zhvilluara nga Trump dhe Putin, ky i fundit ka refuzuar nismën për një armëpushim me Ukrainën. Ai thekson se një politikan i fuqishëm dhe me përvojë si Putin, e ka kuptur se SHBA-të janë një hallkë e fortë për Perëndimin.
“Thuhet që Presidenti Trump në bisedimet e tij me Putin ka propozuar një armëpushim të menjëhershë dhe të përkohshëm për të monitoruar situatën. Presidenti Putin e ka refuzuar duke insistuar për një paqe afatgjatë më të qëndrueshme që mos të ndërptitet lufta për dy muaj dhe Ukraina të riforcohet dhe rifillojë veprimet luftarake në atë zonë.
Presideti Putin, si një politikan me përvojë të madhe, e kupton që hallka më e fortë dhe e dobët njëkohësisht e Perëndimit janë SHBA-të. Duke pasur një akord me SHBA-të që kanë qenë dhe sponsor kryesor të Ukrainës ne qëndresën e saj, në këtë drejtim me një ndryshim të politikës amerikane, Rusia po krijon një situatë të favorshme për të”, tha Misha Pumo.
Ndërkaq, sipas gazetarit Pumo, shumë ekspertë në Rusi janë të mendimit që Trump mund të bëjë për Ukrainën shumë më tepër se çdo lloj ushëheqësi tjetër Perëndimor.
LEXONI GJITHASHTU:
- Kërcënime dhe negociata, çfarë po ndodh me bisedimet SHBA-Rusi për Ukrainën
- Paralajmëron Presidenti i Ukrainës: Rusia mund të pushtojë Europën nga Bjellorusia
