Rama: Ballkani Perëndimor në rrezik nga agresioni rus, të forcojmë institucionet

Kryeministri Edi Rama pas përfundimit të Samitit ka dalë në konferencë me presidentin ukrainas Volodymyr Zelensky.

Rama tha se Ballkani Perëndimor është në rrezik nga agresioni rus, duke shtuar se duhet të forcojmë institucionet dhe ekonominë tonë.

Mes tjerash Rama shtoi se ajo që ka bërë Putin është një sfidë e hapur dhe më e pamëshirmshme ndaj BE.

“Nëse ne ndjekim përgjigjen e Vladimir Putin për justifikimin e një lufte duke i bërë thirrje së shkuarës. Kjo është perandoria molongoleze, Rusia është brenda saj. Merreni me mend sikur në këtë rajon të gjithë të ia nisin të mendojnë që t’i shohin marrëdhëniet ndërkombëtare e mbështetur në harta. Do ishte një luftë që s’do të merrte kurrë fund. Ajo që ka bërë Putin është një sfidë e hapur dhe më e pamëshirmshme ndaj BE.

Na duhet të forcojmë institucionet tona dhe ekonominë tonë. Ka një rrezik të qartë dhe real për Ballkanin Perëndimor për shkak të agresionit rus. Askush nuk duhet ta shoh si një situatë ku ushtria ruse vjen këtu. Të gjithë duhet ta shohin që ajo që po ndodh atje mund të vijë këtu, duke vënë në pikëpyetje vetë themelet e rendit tonë botëror mbështetur në rregull”-tha ai.

LEXONI GJITHASHTU: 

• Zelensky nga Tirana: Rusia nuk do të ndalet vetëm në Ukrainë, vendet që rrezikojnë
• Opozita dorëzon në Kushtetuese padi për ligjin për taksimin e profesioneve të lira