Revoltohet aktivistja: Gratë e Kosovës nuk kanë shtet

Aktivistja Zana Avdiu deklaroi në një intervistë për “Goodmorning Albanians” se gratë e Kosovës nuk kanë shtet.

Ajo tha se në asnjë rast kur gratë njoftojnë për dhunë, as policia, as gjykata nuk ndërmarrin hapat e nevojshëm për të parandaluar ngjarje më të rënda.

“Shumica e rasteve po përfundojnë me vrasje, gruaja është vrarë në dorën e shtetit, është vrarë në një institucion qendror të shtetit dhe vrasësi më lehtë e ka vrarë në institucionin e shtetit se në shtëpinë e saj, ku ka qëndruar me muaj të tërë,” – u shpreh Avdiu referuar vrasjes së shtatzënës në Prishtinë.

Aktivistja tha se shteti nuk ofron asnjë siguri për viktimat e dhunës.

Mbrëmjen e së mërkurës, Sokol Halili vrau ish-bashkëshorten e tij shtatzënë në oborrin e Klinikës së Gjinekologjisë në Prishtinë. Gruaja, siç është raportuar, do të sillte në jetë fëmijën brenda këtyre ditëve.

Policia e Kosovës ka kërkuar nga qytetarët informacione të cilat do të ndihmonin në arrestimin e autorit, i cili ende ndodhet në arrati.

LEXONI GJITHASHTU:

• Vishaj: Vrasësin e shtatzënës pret burgimi i përjetshëm sado që të arratiset
• Sot varroset gruaja shtatzënë që u vra nga ish-bashkëshorti