Ish-kandidati për kreun e Partisë Demokratike, Ibsen Elezi i është drejtuar me një kërkesë Sali Berishës për përjashtimin e Flamur Nokës.
Në një intervistë për Euronews Albania, ai sqaroi se nuk e ka pasur problemin me Marko Dajtin, apo pse Noka firmosi për kandidaturën e tij, por me qëndrimet politike të Flamur Nokës.
“E para punës unë nuk kam asgjë me shokun Dajti sepse po kandidon dhe është e drejta e vet. Ne për atë punë e kemi kërkuar demokracinë dhe unë jam partizan i asaj që duhet të garojnë sa më shumë njerëz. Pikërisht kjo ka qenë arsyeja që kandidova përballë Berishës.
E dyta, nuk është se kam qenë kundra firmosjes së një dokumenti sepse banalizohet çështja nëse thuhet kështu, por që të firmosësh një dokument ku vetëdeklaron që je përfaqësues i asaj partie, i Frontit të Majtë, kjo ka të bëjë me qëndrimin politik të zotit Noka,” – sqaroi Elezi.
Në këto kushte, ish-kandidati për kryedemokrat tha se politika nuk mund të lidhet me qokat personale apo familjare, e ndaj nuk bie dakord.
Ndiqni intervistën e plotë duke klikuar këtu:
LEXONI GJITHSHTU: