Numri i divorceve në Shqipëri është dyfishuar që prej fundit të viteve 1990. Sipas të dhënave zyrtare, koeficienti i numrit të divorceve për 100 martesa ka ardhur në rritje, pasi nga 17,8 divorce për 100 martesa në 2014, në 21 në 2018.Thënë ndryshe afro 20% e martesave përfundojnë në divorc.

Kjo është një shifër me e ulët se në vendet perëndimore, por në Shqipëri divorci bart një peshë tjetër sepse pasojat e tij janë më të rënda për shkak të kushteve ekonomike dhe sociale. Gjykata e Tiranës mbart peshën më të madhe për sa i përket nr. Të padive për divorc.

Vetëm për periudhën janar 2019- shkurt 2020 janë riregjistruar 1096 padi për zgjidhje martese. Ndërsa, në dy muajt e parë të vitit 2020, në Gjykatën e Tiranës, janë regjistruar 256 padi për divorc.

Mbi 80% e kërkesë padive regjistrohen në gjykatë nga gratë dhe në pjesën më të madhe shkaku kryesor i divorceve është dhuna. Fëmijët janë viktima të konflikteve mes prindërve gjatë dhe pas këtij procesi.