“Sirena alarmi!”- Ish-prokurori zbulon arsyen e ardhjes së DEA-s në Tiranë

Ish-prokurori i Krimeve të Rënda, Eugen Beci tha se fakti që DEA ka zgjedhur të vijë në Shqipëri tregon se trafiku i kokainës është bërë i rrezikshëm. I ftuar në Euronws Beci tha ky investim i bërë prej DEA-s në Shqipëri tregon se trafiku i kokainës në vend është bërë më problematiku në të gjithë rajonin.

“Dea ndërhyn zakonisht në vende ku tregu i kokainës bëhet problematik. Në këtë formë bashkëpunimi ka qenë i ngushtë me organet ligjzbatuese edhe para shumë viteve, por me anë të një filiali që DEA e kishte në Athinë.

Fakti që vitet e fundit kokaina është bërë trafiku më i rëndësishëm sa i takon paligjshmërisë në këtë luftë kundër narkotikëve duket se i ka dhënë DEA-s të drejtën të ketë një investim shumë të rëndësishëm në republikën e Shqipërisë.

E përkthyer më shqip, trafiku i lëndëve narkotike dhe i kokainës, është bërë më problematiku në tërë rajonin dhe për këtë arsye, DEA ka kthyer vëmendjen totale në Republikën e Shqipërisë. Fakti që DEA vjen në Shqipëri është sirenë alarmi që trafiku i kokainës është bërë i rrezikshëm”,- tha për Euronews Albania ish-prokurori i Krimeve të Rënda Eugen Beci.

LEXO GJITHASHTU:

• Agjentët e DEA-s në Shqipëri, Shemsi Prenci: Ogur i zi për organet ligjzbatuese
• Spartak Ngjela: Çfarë fshihet pas ardhjes së DEA-s në Tiranë
• DEA në Tiranë, Manja: Shenjë e besimit të fortë tek institucionet shqiptare