Mbrëmjen e të martës India nisi “Operacionin Sindoor” duke goditur me raketa provincën Punjab dhe Kashmirin e administruar nga Pakistani, nga ky sulm mbetën të vrarë të paktën 26 persona dhe dhjetëra të tjerë janë plagosur.

Gazetari nga Pakistani, Usman Shahid tha në një intervistë për Thimi Samarxhiun në Euronews Albania se situata në Pakistan është shumë e rëndë. Sipas tij numri i viktimave mund të jetë edhe më i lartë nga ajo që është bërë e ditur nëpër media.

I pyetur se çfarë kundërpërgjigje mund të japë Pakistani, gazetari Shahid tha:

“Komiteti i Sigurisë së Pakistanit sapo ka mbajtur një takim dhe ka dalë me qëndrimin se ushtria pakistaneze është autorizuar për të marrë aksione të ngjashme dhe do të veprojmë në kohën dhe në momentin e duhur. Sulmet fatale indiane që u kryen gjatë natës, India dhe Pakistani kanë pasur përplasje për zonën e Phalgamit dhe Pakistani kërkon edhe një hetim të paanshëm ndërkombëtar për këtë incident. India vijon me ideologjinë e supermacisë dhe ka iluzionin e të qenurit e pamposhtur, por Pakistani do të reagojë”,-tha Shahid.

I pyetur se sa është rreziku i përdorimit të armëve bërthamore, gazetari nga Pakistani u përgjigj:

“Situata është serioze dhe të dyja vendet nuk kanë dhe nuk do të fitojnë asgjë nga përdorimi i armëve bërthamore. India nga ana e saj kreu disa bombardime me avionë ushtarakë ndërsa përgjigjja e Pakistanit do të jetë e koordinuar dhe e llogaritur mirë. Ndërkohë liderët kombëtarë kanë dalë në qëndrimin e tyre duke kërkuar shtensionimin e situatës mes dy vendeve dhe që palët të ulen në tryezën e negociatave”,-tha gazetari.

LEXONI GJITHASHTU:

• Pakistani paralajmëron hakmarrje ndaj Indisë: Do kundërpërgjigjemi ndaj agresionit
• Indi-Pakistan, gati armët bërthamore? Gazetari jep detaje: Po mbahen takime