U shpall i pafajshëm për tenderin 9 milionë lekë, ish-kryebashkiaku sërish në SPAK

Ish-kryebashkiaku i Pogradecit, Eduart Kapri, është paraqitur këtë të hënë në SPAK i shoqëruar nga avokati i tij.

Paqraqitja në prokurori vjen disa ditë pas shpalljes së pafajshëm nga Gjykata e Apelit të Gjykatës së Posaçme kundër Korrupsionit dhe Krimit të Organizuar.

Kapri ishte akuzuar nga SPAK për abuzim me një tender për blerje drush zjarri me vlerë 9.2 milionë lekë në vitin 2017.

Bashkë me të u akuzuan nga organi i akuzës dhe anëtarët e Komisionit të Vlerësimit të Ofertave: Enkeleida Kllomollari, Nexhmi Torro dhe Avdulla Cano.

SPAK kishte apeluar vendimin e GJKKO për pafajësi, por Gjykata e Apelit, me trupën gjyqësore të përbërë nga Nertina Kosova, Dhimitër Lara dhe Florjan Kalaja, la në fuqi vendimin fillestar që shpallte të pafajshëm Kaprin dhetë akuzuarit e tjerë.

Nuk dihet ende nëse Kapri është thirrur për një dosje të re penale, apo për një hetim që lidhet me akuzat e mëparshme.

Kur u pyet nga mediat teksa dilte nga SPAK, ai u përgjigj se kishte shkuar thjesht për “një interesim”.

LEXONI GJITHASHTU:

• A e takoi Altin Dumani-Ahmetajn në Bazel të Zvicrës? Gazetari Ferhati jep detaje
• Dumani takim me Prokurorin e Përgjithshëm të Zvicrës, zbardhen temat e diskutimit