“200 mijë lekë 4 vota”- Ndoka komenton akuzat për Belerin: Skemë patronazhistash

Nard Ndoka ishte i ftuar këtë të premte në Euronews Albania, ku komentoi arrestimin e Fredi Belerit dhe akuzat ndaj tij për shit-blerjen e votave.

Kreu i PDK tha akuzat për blerje votash janë skema të patronazhistëve dhe se e vërteta është e kundërta, që Partia Socialiste po shkel kodin zgjedhor.

Ndërsa lidhur me arrestimin e kandidatit të “Bashkë fitojmë” në Himarë, Ndoka tha se ishte një vepër e cila njollosi zgjedhjet pa nisur akoma.

“Kështu skemash me patronazhist, kemi sa të duash. Opozita ka një muaj që po i deklaron. Në Elbasan kemi emra drejtorësh më emra, me fotografi me video i kemi dërguar në institucionet ndërkombëtare, në Shkodër, kemi personazhe të lidhur me politikën e Edi Ramës, deputetët e Edi Ramës që po blejnë vota. Të gjitha këto janë bërë denoncime.
Ky personazh, në Himarë në një zonë të nxehtë pa diskutim që i njollosi zgjedhjet, Rama i damkosi zgjedhjet pa nisur akoma. Kjo u bë një problem ndërkombëtar. Nuk u arrestua një kandidat diku në periferi, por një kandidat që është në një zonë të nxehtë dhe përfaqëson minoritetet”,-tha Nard Ndoka.

Kujtojmë se një qytetare nga Himara deklaroi se mbështetësi i Belerit Niko Panajoti i kërkoi 4 votat e familjes kundrejt një shumë prej 200 mijë lekësh.

LEXONI GJITHASHTU:

• “Fredi Beleri i barabartë para ligjit si kushdo”, MEPJ i përgjigjet Athinës
• Historiania për Belerin: Ka punuar kundër Shqipërisë, s’duhet të ishte kandidat