“Sot 5 mjekë udhëtojnë drejt Malatya-s”, Çako: Të gatshëm për të ndihmuar Turqinë

Haki Çako, drejtor i emergjencave civile është shprehur se ditën e sotme drejt Turqisë janë nisur dhe 5 mjekë, duke iu bashkuar kështu ekipit prej 75 personash që ndodhen në Turqi dhe po ndihmojnë në nxjerrjen e trupave nga rrënojat e tërmetit tragjik që goditi vendin mëngjesin e 6 shkurtit.

Në një intervistë për Euronews Albania, ai tha ndër të tjera se janë të gatshëm të dërgojnë trupa të tjerë drejt Turqisë nëse kjo e fundit ka nevojë.

“Sot ka shkuar grupi i ri, më saktë 5 mjekë do I bashkohen ekipeve tona prej 75 vetash në Turqi, në qytetin e Malatya-s. Ekipet kanë prioritet njësitë e kërkim shpëtimit por edhe njësinë mjekësore për t’u ardhur në ndihmë qytetarëve të prekura nga tërmeti. Ekipet tona janë të përqendruara së bashku me ekipet e Maltës dhe Turqisë. Është një qytet i goditur shumë rëndë. Po punojnë ditë natë. Është në varësi të autoriteteve turke nëse duan  apo jo forca tjera, ne kemi kapacitete”- tha ai.

LEXONI GJITHASHTU: 

• Bilanc tragjik në Turqi e Siri, shkon mbi 17 mijë numri i viktimave
• “Janë 100 persona aty”- qytetari turk shpërthen ndaj qeverisë: Kishin 20 vjet që…