“Më ushqeu një burrrë mjekërbardhë”- Imami flet për shpëtimin e 6-vjeçares në Turqi

Imam Erjol Haxhiu tregoi në një intervistë për Euronews Albania se ka diskutuar me kolegë dhe ekspertë të fushës për temën se kush po i mbron fëmijët nën rrënojat e tërmetit që shkatërroi zonat afër kufirit turko-sirian.

Mendimet janë të ndryshme, siç tregoi Haxhiu. Ka nga ata që besojnë se fëmijët në atë moshë, referuar 6-vjeçares që tha se e shpëtoi një plak mjekërbardhë, edhe prej moshës, edhe prej traumës janë të prirur të sajojnë histori. Nga ana tjetër parametrat mjekësorë që janë normalë edhe pas shumë ditësh nën rrënoja tregojnë se kemi të bëjmë me diçka të jashtëzakonshme.

“Duke qenë se kjo vajzë, parametrat jetësore i ka normale, edhe sjelljet më pas i ka normale, kjo i shtyn edhe njerëzit, edhe teologët të besojnë se është një ngjarje e vërtetë. Kur e shikojmë historinë dhe kur lexojmë tekstet fetare gjejmë plot ngjarje të tilla që janë realizuar jashtë rrjedhës normale të jetës,” – u shpreh zv. Myftiu i Tiranës.

LEXONI GJITHASHTU:

• “Më ushqeu një burrë mjekërbardhë”- Historia e pabesueshme e 6-vjeçares në Turqi
• Qyteti sirian i shkatërruar nga tërmeti, banorët e Xhindires pa strehë dhe ushqime