VIDEO| Lana del nga shtrati te “Pallati me Shigjeta”, përmbyten disa automjete

Stuhia “Ciaran” duke se ka prekur edhe Shqipërinë. Erëra të forta dhe reshje shiu pushtuan vendin këtë të premte, ndërsa situata në kryeqytet duket shumë e rënduar.

Shumë rrugë janë përmbytur ndërsa Lumi i lanës ka dalë nga shtrati në zonën e Pallatit me Shigjeta. Gazetarja e Euronews Albania, Ortensa Budlla, duke raportuar për situatën e përmbytjeve tha:

“Lana ka dalë nga shtrati. Shoferët kanë braktisur makinat të cilat janë pushtuara nga uji. Uji ka rritur të depërtojë në to. Shumë qytetarë kanë zgjedhur të dalin me shapka, pasi për të kaluar sot nëpër Tiranë duhen çizmet e llastikut pasi e gjithë situata është shumë e rënduar”,-raportoi gazetarja.

Prej situatës së rënduar shumë persona janë detyruar të lënë makinat, ndërsa janë larguar këmbëzbathur nëpër rrugët e pushuara nga uji.

Sipas meteorologëve, ky është “kodi i kuq”, pasi do ketë edhe përmbytje, për shkak të stuhisë e cila ka prekur të gjithë Europën.

Zonat më problematike pritet të jenë Shkodra, Lezha, Elbasani, Korça, Tirana. Parashikohet se reshjet e shiut do të vazhdojnë gjatë gjithë natës, ndërsa paraditja e të shtunës, pritet të jetë një situatë edhe më alamante.

LEXONI GJITHASHTU:

• Ciaran godet Shqipërinë, përmbyt rrugë në Tiranë. Lana rrezikon të dalë nga shtrati
• Moti i keq në Shqipëri: Përmbytje në Durrës, thyhet pema mbi makina në Shkodër