A do të ketë Kurti kandidatë në Maqedoni të Veriut? Flet kreu i opozitës shqiptare

Kreu i Lëvizjes Demokratike në Maqedoninë e Veriut, Izet Mexhiti tha në një intervistë për Euronews Albania se bashkëpunimi i Lëvizjes Vetëvendosje me opozitën në RMV nuk duhet parë si një gjë  e pazakontë.

Mexhiti tregoi se në listat e përbashkëta për deputetë do ketë edhe kandidatë që vijnë nga LVV dhe ky sipas tij është thjesht një koordinim mes shqiptarëve.

“Kurti ka qenë mbështetës i opozitës shqiptare edhe në vitin 2020 dhe më herët dhe ka qenë mbështetje publike. Ndryshimi është që kësaj radhe do jetë në partneritet me opozitën shqiptare. Listat e përbashkëta për deputetë do kenë edhe kandidatë që vijnë nga LVV. Janë qytetarë të Maqedonisë së Veriut dhe këtu nuk shoh asnjë problem, se shqiptarët në RMV janë pjesë e kombit shqiptar dhe bashkëpunimi edhe me qeverinë shqiptare edhe me atë të Kosovës është një koordinim brenda shqiptarësh që në esencë kanë të njëjtin qëllim; integrimin në NATO dhe BE. Kështu që nuk ka asnjë problem, edhe pse janë munduar disa qarqe ta shohin si problem”, tha ai.

LEXONI GJITHASHTU:

• Kryeministër shqiptar në RMV/ Kadia: Miti u thye, çfarë do ndodh më pas…
• RMV për herë të parë me kryeministër shqiptar, betohet sot Talat Xhaferi