Ilir Kulla: Shqipëria ka dhënë kontribut më shumë se ç’ka pasur mundësi për Ukrainën

Eksperti i Sigurisë, Ilir Kulla, është shprehur se Shqipëria ka dhënë më shumë kontribut se ç’ka pasur mundësi për Ukrainën.

Komentet Kulla i bëri në Euronews Albania, ku tha se vendi ynë e ka ndihmuar Ukrainën si në Këshillin e Sigurimit të OKB, ashtu edhe me armatime.

Ai tha gjithashtu se paratë e mëdha që mund të vendosin për Ukrainën dhe fatin e luftës janë ato që vijnë nga SHBA dhe BE.

“Vendet e tjera përfshi ne i kanë dhënë shumë Ukrainës për mundësinë dhe hapsirën që kanë pasur. Në kuptimin politik është një mesazh që i jepet BE-së, që e përmend edhe Rama që thotë zgjeroni BE-në, fusni Ukiranën, na fusni edhe ne që të mos na marrë Rusia.

Por problemi është që kriza e brendshme politike në BE dhe Parlamenti i ardhshëm në zgjedhjet e qershorit mund të na japë një panoramë që nuk e kemi parë ndonjëherë. Mund të vijnë në pushtet gjithë euroskeptikët.

Ardhja e presidentit ukrainas këtu ka një kuptim në sensibilizimin e brendshëm të liderëve të BE, po de facto nuk ndryshon gjë. Sepse ata që janë sot në Europë mendojnë se janë raportet e forcave që do i ndryshojnë gjërat. Ne kemi dhënë aq sa kemi fuqi.

Shqipëria ka dhënë kontribut në KS, ka ndihmuar me armatime. Detyrat tona i kemi bërë, kemi bërë edhe më shumë se ç’kemi pasur mundësi. Por paratë e mëdha për Ukrainën dhe vazhdimin e luftës në Ukrainë mund të vijnë vetëm nga SHBA dhe BE. Shqipëria është një vend i sigurt dhe shumë larg të qenit prorus”, tha Kulla.

LEXONI GJITHASHTU:

• Vuçiç në Tiranë për Samitin e Ukrainës, analisti serb: Kush e detyroi të marrë pjesë
• A do i kërkosh Zelenskyt njohjen e Kosovës? Osmani flet nga Samiti për Ukrainën