Mbappe, rekord fanellash të shitura, francezi parakalon Bellingham

Mbappe është futbollisti i momentit në botë e ky tashmë është fakt, me francezin që iu bashkua Realit të Madridit, e që në prezantim e kuptoi rëndësinë që ky klub ka.

Afro 80 mijë të pranishëm në Santiago Bernabeu për të parë nga afër 25-vjecarin i cili do të udhëheqë ofensivën e galaktikëve në sezonin e ri futbollist, ndërsa populluariteti i tij është i jashtëzakonshëm.

Sipas asaj që raportohet në Spanjë, ai është aktualisht lojtari më i preferuar tek Los Blancos, duke parakaluar dhe Jude Bellingham.

Sipas përllogaritjeve, Reali i Madridit pritet të shesë 4 milionë fanella me emrin e Mbappe, që do të ishte një shifër e çmendur dhe një rekord i ri në futboll, duke kaluar çdo parashikim, e të mendosh që futbollisti është transferuar me vlerë 0. Në krahasim me yllin britanik, fanella e Mbappe do të ketë një shpërndarje 5 herë më të madhe, ndërsa tifozët janë dyndur në dyqanet e veshjeve sportive.

Kylian Mbappe iu bashkua Realit të Madridit pak ditë më parë dhe firmosi një kontratë e cila e mban lidhur me këtë skuadër deri vitin 2029, ndërsa shihet si lëvizja më e bujshme e verës. Francezi vjen pas një experiencë të gjatë tek PSG, ku arriti të fitojë disa tituj kampion.

LEXONI GJITHASHTU:

• Mbappe rikthehet në stërvitje pas dëmtimit në Euro2024
• Mbappe përfshihet në fushatë në Francë, u kërkon të rinjve të mos votojnë ekstremet