Rocco Vata bën heroin në Angli, i jep fitoren Watford në minutën e fundit shtesë

Watford fitoi me përmbysje 2-1 kundër Portsmouth për javën e 23-të në Championship. Goli me vlerën e tri pikëve për vendasit u shënua në minutën e fundit shtesë nga Rocco Vata, djali i ish-futbollistit Rudi Vata.

Rocco Vata i bëri një mbyllje fantastike vitit 2024, teksa ka shënuar dy gola dhe ka dhënë 2 asiste në 4 ndeshjet e fundit me ekipin e Watford duke e ndihmuar ekipin e tij të mbetet në garën për kthimin në Premier League.

Ndeshja nisi mirë për miqtë që kaluan në epërsi pas dhjetë minutave lojë me Suanson. Në fraksionin e dytë të lojës trajneri Cleverley hodhi në fushë Vatën te vendasit. Ishte Kayembe që barazoi shifrat nga penalltia në minutën e 57-të, para se Vata të minutën e fundit shtesë të gjente golin me vlerën e tri pikëve për të tijtë.

Ky sukses e ngjit Watfordin në vendin e 6-të me 37 pikë dhe i fut ata në garë për një vend në Premier League.

Sulmuesi shqiptar, i cili është dhe djali i ish-kapitenit të Kombëtares Rudi Vata shfrytëzoi një grushtim të portierit dhe duke ndjekur aksionin me shpejtësi shtyu topin në rrjetë

19-vjeçari nuk është thirrur kurrë nga moshat e Kombëtares Shqiptare, teksa ka shkëlqyer me moshat e Irlandës.

LEXONI GJITHASHTU:

• Rrëfimi i Rudi Vatës: Djali im luan për Irlandën, por nëse Shqipëria…
• Watford largon Rei Manajn, shkak performanca e dobët