“Dallgë në gotë të ujit”, Shehi këshilla për Alibeaj: Prodho ide politike me vlerë

Kreu i LZHK-së Dashamir Shehi, komentoi përjashtimin që u bëri Enkelejd Alibeaj 4 deputetëve të PD nga grupi parlamentar i kësaj partie.

Në një intervistë për Euronews Albania, ai u shpreh se opozita nuk duhet të merret me këtë situatë por të përqendrohet të çështje më të rëndësishme.

Më tej ai pati dhe një këshillë për Alibeajn, që ky i fundit të japë ndonjë ide konkrete për realitetin politik.

“Kjo puna e përjashtimit më bënë për të qeshur. Këto janë dy grupe që kanë bërë sherr që një vit dhe më duket qesharake përjashtimi. Ka një lloj grotesku brenda.

Nuk duhet të merremi më ne si opozitë me këtë lloj situate. Është një dallgë në gotë të ujit. Me thënë të drejtën nuk do e kisha bërë po të ishte në vend të Alibeajt, po do ta këshilloja që të prodhonte ca ide politike dhe ca gjëra që kanë vlerë për realitetin konkret. Duhet të kisha dhënë ndonjë ide për zgjedhjet vendore, si e mendojmë, kush duhet të ishte propozimi i munguar i PD.

Ka ndonjë ide ky Alibeaj dhe Berisha se si kanë ndodhur këto, përse kemi mbërritur këtu. Këto janë teza politike po jo pol argon këtë e po fut këtë”- tha ai.

LEXONI GJITHASHTU: 

• Të kujt janë 404 mijë euro? Bledi Çuçi pyetet për Alda Klosin
• Inskenim apo vrasje? Ministri i Brendshëm flet për fatin e Ervis Martinaj
• Shpërblimi për ish-të përndjekurit politik, Manja tregon objektivat për vitin 2023