Kërceu valle me kandidatin e PS, flet për herë të parë kreu i PD në Librazhd

Bujar Vreto, kreu i degës së PD në Librazhd sqaroi në një intervistë për Euronews Albania foton ku ai shfaqet duke kërcyer me kandidatin e PS në këtë bashki, Mariglen Disha.

Vreto u shpreh se fotoja është shkrepur gjatë festës së Shën Gjergjit në fshatin Steblevë dhe është keqpërdorur nga portalet pa u thelluar se për çfarë bëhej fjalë.

Ai tha se nuk mbështet as PS, as Foltoren, por PD dhe nr.9.

“S’e kuptoj pse të gjitha mediat kanë marrë një interes mjaft të veçantë për këtë foto. Dua të sqaroj se në datë 6 maj kam qenë i ftuar në Steblevë nga shoqata Stebleva për të festuar ditën e Shën Gjergjit, një festë pagane që kjo zonë e kremton me dashuri. Ne ishim në një valle, kur vijnë dhe bashkohen Disha, Gurra dhe disa të tjerë. Unë nuk e mendoj se jemi në luftë. Erdhi ai dhe më ka kapur, jo unë, por kjo nuk përbën asgjë në raport me mua, se isha mes demokratëve. Por jam shumë i indinjuar që portalet janë marrë shumë me këtë çështje pa investiguar si ka qenë çështja. Unë nuk mbështes as kandidat të PS, as të Foltores, por vetëm nr. 9, atë të PD”, tha Vreto.

Vreto ishte kandidat i PD së Enkelejd Alibeaj për bashkinë e Librazhdit në zgjedhjet e 14 majit, por kandidatura e tij nuk u miratua.

LEXONI GJITHASHTU:

• Pse Alibeaj nuk ka 61 kandidatë? Vreto zbardh të pathënat e Kolegjit të Kryetarëve
• Vreto: Foltorja e Berishës, një Parti Socialiste e dytë