Noka bllokon foltoren dhe kërcënon Nikollën: Do shkosh për ndjekje penale

Seanca e sotme në Kuvendin e Shqipërisë është shoqëruar me debate mes deputetëve të Partisë Demokratike.

Grupi i deputetëve të Sali Berishës kanë ngritur shqetësimin se në listën e diskutantëve rezultojnë si folës jashtë grupeve parlamentare dhe jo si pjesë e PD-së.

Deputeti demokrat, Flamur Noka nuk ka pranuar të lirojë foltoren e Kuvendit, duke i kërkuar kryeparlamentares, Lindita Nikolla që t’i jepte vendimin ku ishte vendosur përjashtimi i tij nga grupi parlamentar i PD-së. Më tej deputeti demokrat kërcënoi kryeparlamentaren se do ta çonte për ndjekje penale.

“Ti zonjë atje je ulur për të respektuar kushtetutën dhe rregulloren. Na kanë zgjedhur demokratët dhe asnjë nga rilindja që ti paske të drejtë të rrotullosh lapsin si të duash. Na e gjej vendimin ku ne jemi shpallur armiq dhe se këta deputetë janë deputetë miq të Edi Ramës. Ti do shkosh e para për ndjekje penale për shkelje të kushtetutës dhe rregullores”,  tha Noka.

LEXONI GJITHASHTU:

• Kuvendi zgjedh sot anëtarin e Gjykatës Kushtetuese dhe Avokatin e Popullit
• Erion Braçe përplaset me Kuvendin, reagimi i fundit i deputetit