Pushim gjatë menstruacioneve, Qarri: Për të vënë duart në kokë, e propozoi Braçe

Gazetari Flavio Qarri e konsideroi për të vënë duart në kokë propozimin e Erion Braçes për t’i njohur grave një raport pushimi gjatë ciklit menstrual.

Sipas tij nuk është normale që në qeverinë dhe administratën me më shumë gra të të gjitha kohërave këtë shqetësim ta ngrejë një burrë.

Gazetari tha në një intervistë për Euronews Albania se është një formë manipulimi që bën të duket sikur gratë nuk e kanë mjaftueshëm pushtet e kapacitet për të ngritur këtë shqetësim.

“Ka ngritur zërin ai që e ndjen më shumë atë sikletin një herë në muaj. Është absolutisht e çuditshme dhe e neveritshme që në qeverinë me më shumë gra të të gjitha kohërave, me administratën me më shumë gra të të gjitha kohërave, këtë hall e ngre Erion Braçe. Është për të vënë duart në kokë sepse me këtë logjikë i bie që gratë nuk paskan asnjë vlerë në shoqërinë tonë dhe nuk qenkan ato të zonja, të shkolluara, as gratë në pushtet për të ngritur shqetësimin. Një njeri ngre shqetësimin për atë që përfaqëson, kështu që, që këtu fillon manipulimi dhe bërja qesharake e çështjes,” – u shpreh Qarri.

LEXONI GJITHASHTU:

• Gratë pushim gjatë ciklit menstrual? Aktivistja: Mund të çojë në diskriminim
• Spanja bëhet vendi i parë evropian që u jep grave “leje menstruale” nga puna