“Sot të kryhet kjo punë”- Lala: Murseli e zbatoi me nxitim planin, ka diçka të madhe

Gazetarja investigative Klodiana Lala ka zbuluar bisedat mes Naim Murselit dhe Kushtrim Kokallës, para vrasjes së Liridonës.

Në “Euronews Albania”, Lala tha se gjatë bisedës mes tyre, Naimi i tha Kokallës se “kjo punë duhet të kryhet sot”.

Ajo tha se në këtë ngjarje ka diçka më të madhe, ndoshta një sekret që lidhet me persona të tjerë si biznesmenë apo politikanë, por për këtë nuk mund të deklarohej ende.

“Ka patur tentativa të mehershme të Naim Murselit për ta ekzekutuar gruan. Njëherë për ta trajtuar si aksident, që e dinë edhe autoritetet në Kosovë dhe kolegët aty. Nga biseda me Kukallën, kur ishte vënë në zbatim plani për vrasjen e Liridonës, nuk ka kaluar më shumë se një javë.

Një moment në dosjen hetimore, që e kam siguruar përmes kolegëve të Kosovës, aty thuhet një fjali që më ka vrarë veshin dhe unë pas kam filluar të analizoj, thuhej  se “sot duhet të kryhej kjo punë”.

Liridona ka ditur një sekret shumë të madh që Naim Murselin dhe njerëzit rreth tij kanë qenë të tronditur. Se çfarë është kjo çështje, nëse lidhet me biznes, nëse lidhet me njerëz të rëndëishëm, me politikë apo me njerëz të tjerë, nuk mund ta them.

Por mënyra si është kryer krimi vendi që është zgjedhur më bën të mendoj se ata kanë vepruar me një nxitim të madh ditët e fundit”, tha Lala.

LEXONI GJITHASHTU:

• “Kishte shumë borxhe”, Zeka: Si abuzoi Naim Murseli me emrin e Behgjet Pacollit
• “Naimi është thyer para policisë”- Milaim Zeka: Do dalin gjëra shumë të rënda