Çfarë e detyroi Berishën të shtynte afatin e primareve?

Komisioni i Organizimit dhe Kontrollit të Operacioneve Elektorale në PD vendosi shtyrjen e afatit për vetëkandidim dhe kandidim për primare në të gjitha degët e PD, deri në 12 nëntor 2022.

Gazetari i Euronews Albania, Ardit Hoxha analizoi dy arsye që kanë detyruar kryedemokratin Berisha të shtyje afatin e primareve.

E para është angazhimi te protesta. Është e rëndësishme për PD-në të mobilizojë dhe përqendrojë të gjitha forcat te thirrja e njerëzve dhe organizimi i protestës së 12 nëntorit.

Ndërsa, arsyeja e dytë që shtyu afatin e primareve është se në disa bashki ka pasur vështirësi për nxjerrjen e kandidatëve.

Vendimi ka ardhur pas kërkesës nga degët e PD për shkak të kohës së pamjaftueshme për organizimin e mbledhjeve në çdo nivel organizativ dhe marrjen e propozimeve apo vetë-propozimeve nga struktura partiake në territorin që ata mbulojnë.

Nga ky vendim përjashtohen 16 degët e Bashkisë Tiranë.

LEXONI GJITHASHTU:

• I propozohet të kandidojë në primare për Korçën, por Eleina Qirici refuzon
• Zyrtarizohet kandidati i dytë në Primaret e PD-së për Bashkinë e Fierit
• Shtyhet afati për kandidimin për primare në degët e PD, veç Tiranës