Debate të ashpra në Komisionin e Ekonomisë, Braçe përplaset me Spahon

Debate të forta ka pasur sot në Komisionin e Ekonomisë teksa është duke u diskutuar projekti për Portin e Durrësit.

Deputeti Erion Braçe ka debatuar me deputetin Edmond Spaho, teksa ky i fundit ka kërkuar që në këtë komision të jenë të pranishme edhe ministret për të dhënë llogari për këtë projekt.

Debate:

Braçe:  Nuk ka asgjë për të fshehur.

Spaho: Të vijë ministrja.

Shalsi: Neta mos i jep përgjigje fare.

Spaho: Do seriozitet kjo punë.

Braçe: Për çfarë të vijë për çfarë të vijë për çfarë të vijë që ta shahësh ti?

Spaho: Ministrja të vijë dhe të japë llogari. Nuk kanë kurajo që të vijnë këtu.

Braçe: Do vijë por jo për ta sharë ti mo. Sa ke hyre ti këtu vetëm ke sharë.

Shlasi: Zoti Xhelili dëgjo këtu. Këtu ka edhe zhurmues që nuk duan as të lexojnë, as të dëgjojnë.

Vendimi i Kuvendit për të pranuar kërkesën e qeverisë të fusë futjen me procedurë të përshpejtuar projektligjin për marrëveshjen e ndërtimit të Portit të Durrësit, një investim 2.1 miliardë euro, që do e kthejë portin e vjetër në një atraksion turistik me ndërtesa të larta dhe port jahtesh, ka “ndezur” debatet politike.

Kryeministri Edi Rama dhe ministrja Belinda Balluku e cilësuan projektin si një investim të paimagjinuar ndonjëherë për Shqipërinë. Ndërsa për opozitën ky projekt është në shkelje të Kushtetutës, shteti humbet, ndërsa ndërtimi do të kryhet nga kompani ofshore.

LEXONI GJITHASHTU:

• Shehi: Ç’është kjo ngutje për Portin e Durrësit?
• Delegacionet e BE-së dhe Rusisë kërkojnë zgjatjen e marrëveshjes së grurit
• Debate për portin e Durrësit, Spaho: Të raportojnë ata që firmosën, jo hidraulikët