Habit qytetari, i pashqetësuar nga rritja e çmimeve: Të përgatitemi, do futemi në BE

Qytetarët festuan këtë të hënë Ditën e Verës, teksa ata u përballën edhe me një rritje të çmimit të ëmbëlsirës së kësaj feste, ballokumes.

Megjithatë një qytetar i pyetur nga gazetarja e Euronews Albania se si i është dukur atij rritja e çmimeve, ai ka habitur me përgjigjen e tij.

Qytetari dukej i pashqetësuar dhe tha se rritja e çmimeve vjen pasi po përgatitemi të shkojmë në Euro.

Pjesë nga biseda

Gazetarja: Do blini ballokume?

Qytetari: Po. Do ble një se ka ëmbëlsira plot po më shumë e marr si për festë.

Gazetarja: Ju pëlqen ballokumja?

Qytetari: Po pse ka njeri që mos ta pëlqejë.

Gazetarja: I janë rritur pak çmimet tani si ju duken?

Qytetari: Po do rriten pse mos të rriten, a do shkojmë në Euro tani, a do shkojmë të përgatitur me euron tani. A do futemi në BE? Për në BE do rriten avash-avash se do jemi njësoj me euron.

LEXO GJITHASHTU:

• “S’kam lekë”, shpërthen qytetarja: Gjalpi është rritur, nuk gatuaj dot ballokume
• “Na mbyti kinezi” Artizani: E them me shpirt, bleni verore artizanale, jo 20 lekëshe
• “Taksoni të pasurit”- propozimi i 130 deputetëve të PE-së për barazi sociale