Lajçak i shitur te Vuçiç? Deputeti: S’e besoj, por nëse Kurti thotë të vërtetën…

Deputeti i Partisë Socialiste Etjen Xhafaj ishte këtë të mërkurë i ftuar në Euronews Albania ku ka komentuar akuzat e kryeministrit Kurti ndaj të dërguarit të Bashkimit Europian për procesin e dialogut, Miroslav Lajçak.

Kurti e ka akuzuar Lajçak për qëndrime të njëanshme, për këtë Xhafaj tha se nëse të gjitha ato që ka deklaruar Kurti janë të vërteta ai mbase mund të ketë të drejtë në qëndrimet e tij, por emërimi i Lajçak është vendosur nga Bashkimi Europian.

“Nëse të gjitha detajet e asaj që kryeministri i Kosovës, ka deklaruar publikisht janë të vërteta, besoj se është e mundur në bazë të asaj që zoti Kurti beson, por kur flitet për negociatorë mes palësh i gjithë ky proces, lobimi kush do të jenë figurat se kush do e bëjnë këtë, të paktën sa i përket institucioneve të Bashkimit Europian, ndodh në Bruksel.

Sa i përket Shteteve të Bashkuara të Amerikës me zotin Escobar ndryshon pak çështja, pasi Departamenti i Shtetit vendos negociatorë të drejtpërdrejtë nuk është se i pyet palët po merr njerëz të cilët kanë ekspertizën e caktuar në rajon dhe i njohin çështjet e rajonit me themeli. Unë besoj se në procese të tilla ndërmjetësit janë njerëz jashtëzakonisht të rëndësishëm”,-tha Etjen Xhafaj.

I pyetur nëse shtien apo blihen ndërmjetësit, Etjen Xhafaj tha se nuk beson se kjo ka ndodhur.

“Nuk besoj se kjo ka ndodhur ndonjëherë, ndërmjetësit mund të kenë treguar një rreshtim me palën tjetër, por gjithsesi mendoj se i gjithë ky diskutim mund të ndodhte me shumë më tepër diplomaci”,-tha deputeti i PS.

LEXONI GJITHASHTU:

• “Kryeministri nuk po sulmon askënd”, deputeti i Vetvendosjes i del në krah Kurtit
• “2500 euro për një shtesë”, SPAK jep pretencën për dosjen e bashkisë Dimal