Meta i prerë: Më 6 dhjetor përballë përgjegjësit për kapjen e shtetit

Kreu i Partisë së Lirisë, Ilir Meta u shpreh pas takimit me kreun e PD-së Sali Berisha se në datën 6 dhjetor do të protestojnë për kapjen e shtetit.

“Jemi për Shqipërinë europian, jo për regjim policor. Në datën 6 përballë përgjegjësit për kapjen e shtetit dhe për minimin e gjithë procesit të integrimit europian të Shqipërisë për vite të tëra. Sigurinë e Europës e cënon vetëm mafia, që përdor shtetin për ta kthyer Shqipërinë në një bazë për të gjitha llojet e trafiqeve”, u shpreh Meta.

Një ditë më parë, Meta konfirmoi se do të ishte i pranishëm në protestën e 6 dhjetorit të cilën e konsideroi si një manifestim paqësor.

Pak ditë më parë, Policia refuzoi kërkesën e Partisë Demokratike për mbarëvajtjen e protestës në 6 dhjetor me argumentin se cënonte sigurinë kombëtare në një ditë historike për vendin tonë, ku liderët e Bashkimit Europian vizitojnë Tiranën për mbajtjen e samitit.

Berisha nënvizoi se nuk do të tërhiqen dhe se protesta do të zhvillohet para Kryeministrisë.

LEXONI GJITHASHTU:

• Protesta e 6 dhjetorit, Meta i shkon në zyrë Berishës
• Mustafi: Pa zgjidhje për Luginën e Preshevës nuk ka normalizim Beograd-Prishtinë
• SHBA ‘përkulet’ para Macron, për herë parë me Biden në Shtëpinë e Bardhë