“Perëndimi po gabon”, deputeti serb komenton situatën në Ballkan

Nenad Çanak, deputet në Serbi tha për “Balkan Talks” në Euronews Albania se perëndimi po gabon duke i imponuar Ballkanit disa rregulla që sipas tij janë të papranueshme.

Çanak deklaroi se perëndimi po tenton të ndajë Ballkanin në 3 zona influence ose interesi.

“Këto tri zona influence duhet të jenë zona e interesit e Serbisë, zona e interesit e Shqipërisë dhe zona e interesit e Kroacisë. Kjo do të thotë që Bosnja do të jetë etnikisht e ndarë, qe Mali i Zi s’do të ekzistojë më dhe të gjitha autonomitë e bazuar në etni do të zbatohen. Fatkeqësisht, në fillim të viteve ’90 në luftëra pamë që disa rajone autonome në Kroaci, dhe në Bosnje më vonë u bënë bërthama të paqëndrueshmërisë së përhershme. Ndaj, kjo paqëndrueshmëri që po përmend, do vendoset nëse nuk e kuptojmë që vetëm Bashkimi Evropian dhe Ballkani pa kufij, por jo Ballkani i hapur,” – u shpreh deputeti serb.

LEXONI GJITHASHTU:

• Harta e Kosovës mbulohet me flamurin serb! Gazetari sqaron pse ndodhi në Holandë
• Debate në Këshillin e Sigurimit, Kosova dhe Serbia përplasen në OKB